မြင်သာမြို့ဦးဘုန်းတော်ကြီးသင်ပညာရေးကျောင်းနှင့် လူငယ်ဖွံ့ဖြိုးရေးပရဟိတဂေဟာ

(Myint Thar Myo Oo Monastic Education School & Youth Development Charity Home) သည် ပညာရေးအခွင့်အလမ်းများ လိုအပ်နေသော ကလေးများနှင့် လူငယ်များအတွက် ပညာရေး၊ လူမှုဘဝဖွံ့ဖြိုး တိုးတက်ရေးနှင့် ကိုယ်ကျင့်တရားဆိုင်ရာ တန်ဖိုးများကို ပေါင်းစပ်ပျိုးထောင်ပေးရန် ရည်ရွယ်၍ တည်ထောင် ထားသောပညာရေးနှင့် လူငယ်ဖွံ့ဖြိုးရေးအဖွဲ့အစည်းတစ်ခု ဖြစ်ပါသည်။

၁၉၉၃ ခုနှစ်တွင် စတင်တည်ထောင်ခဲ့ပြီး ယနေ့အချိန်အထိ ပညာသင်ယူလိုသော ကလေးများအတွက် သင်ယူခွင့်အခွင့်အလမ်းများ ဖန်တီးပေးလျက်ရှိပါသည်။ ကျွန်ုပ်တို့သည် စာပေပညာရပ်များ သင်ကြားပေးခြင်းသာမက ကျောင်းသားကျောင်းသူများ၏ ဘဝအတွက် လိုအပ်သော အရည်အချင်းများ၊ တာဝန်ယူမှုနှင့် လူမှုအကျိုးပြုစိတ်ဓာတ်များ ဖွံ့ဖြိုးလာစေရန် အလေးထားဆောင်ရွက်လျက်ရှိပါသည်။

မြင်သာမြို့ဦးဘုန်းတော်ကြီးသင်ပညာရေးကျောင်း၏ အဓိကရည်ရွယ်ချက်မှာ “လူတော် လူကောင်း” များ ပေါ်ထွန်းလာစေရန် ဖြစ်ပါသည်။ ထိုရည်ရွယ်ချက်အရ ကျောင်းသားကျောင်းသူများအား ပညာရေးအောင်မြင်မှုသာမက စည်းကမ်းရှိမှု၊ ကိုယ်ကျင့်တရားကောင်းမွန်မှု၊ တာဝန်ယူမှုနှင့် မိမိဘဝကို မိမိတည်ဆောက်နိုင်သော အရည်အချင်းများ ဖွံ့ဖြိုးလာစေရန် ကြိုးပမ်းဆောင်ရွက်လျက်ရှိပါသည်။