မြင်သာမြို့ဦးဘုန်းတော်ကြီးသင်ပညာရေးကျောင်းသည် ကလေးတစ်ဦးချင်းစီတွင် မတူညီသော စိတ်ဝင်စားမှုများ၊ အရည်အချင်းများနှင့် ဖန်တီးနိုင်စွမ်းများ ရှိကြသည်ဟု ယုံကြည်ပါသည်။

ထို့ကြောင့် ပညာရေးကို စာသင်ခန်းအတွင်းရှိ သင်ခန်းစာများသာမက အနုပညာနှင့် ဖန်တီးမှုဆိုင်ရာ လှုပ်ရှားမှုများမှတစ်ဆင့်လည်း ကလေးများ၏ ကိုယ်ပိုင်အရည်အချင်းများကို ဖော်ထုတ်ဖွံ့ဖြိုးလာစေရန် အားပေးပံ့ပိုးလျက်ရှိပါသည်။

ဖန်တီးနိုင်စွမ်းနှင့် ယုံကြည်မှု ဖွံ့ဖြိုးရေး

အနုပညာလှုပ်ရှားမှုများသည် ကလေးများအား မိမိတို့၏ အတွေးအမြင်များကို ဖော်ပြနိုင်စွမ်း၊ ဖန်တီးနိုင်စွမ်းနှင့် မိမိကိုယ်ကို ယုံကြည်မှုတို့ ဖွံ့ဖြိုးလာစေရန် အထောက်အကူပြုပါသည်။ ထို့ကြောင့် ကလေးများအား အမှတ်ရရှိမှု သို့မဟုတ် ပြိုင်ဆိုင်မှုတစ်ခုတည်းအပေါ် မထားဘဲ မိမိတို့ စိတ်ဝင်စားရာကဏ္ဍများတွင် ပါဝင်လေ့လာနိုင်သော အခွင့်အလမ်းများ ဖန်တီးပေးလျက်ရှိပါသည်။

အနုပညာနှင့် ဖန်တီးမှုဆိုင်ရာ လှုပ်ရှားမှုများ

ကျောင်းသားများ၏ စိတ်ဝင်စားမှုနှင့် အရည်အချင်းများ ဖွံ့ဖြိုးလာစေရန် အောက်ပါကဏ္ဍများတွင် လေ့ကျင့်သင်ယူခွင့်များ ပံ့ပိုးပေးလျက်ရှိပါသည်။

• Piano
• Guitar
• မြန်မာအက

• Puppet (ရုပ်သေး/ရုပ်ကလေး ဖန်တီးမှုနှင့် ဖျော်ဖြေမှု)
• ဘင်ခရာ

ဘင်ခရာနှင့် အသင်းလိုက်ဖွံ့ဖြိုးမှု

ဘင်ခရာအစီအစဉ်သည် ကျောင်းသားများ၏ စိတ်ဝင်စားမှုနှင့် ပါဝင်လိုစိတ်များမှ စတင်ဖွံ့ဖြိုးလာသော လှုပ်ရှားမှုတစ်ရပ် ဖြစ်ပါသည်။

ဂီတနှင့် အသင်းလိုက်လေ့ကျင့်မှုများမှတစ်ဆင့် ကျောင်းသားများသည် စည်းကမ်း၊ အချိန်တိကျမှု၊ အဖွဲ့လိုက်ပူးပေါင်းဆောင်ရွက်မှုနှင့် တာဝန်ယူမှုတို့ကို လေ့လာသင်ယူနိုင်ပါသည်။

အရည်အချင်းများကို ရှာဖွေဖော်ထုတ်ပေးခြင်း

မြင်သာမြို့ဦး၏ အနုပညာနှင့် ဖန်တီးမှုဖွံ့ဖြိုးရေးအစီအစဉ်သည် ကလေးတိုင်းအား တစ်မျိုးတည်းသော အောင်မြင်မှုစံနှုန်းအတွင်း ထည့်သွင်းရန် မဟုတ်ပါ။

ကလေးတစ်ဦးချင်းစီတွင် ရှိသော ထူးခြားသော အရည်အချင်းများကို ရှာဖွေတွေ့ရှိစေရန်၊ မိမိကိုယ်ကို ယုံကြည်မှုရှိလာစေရန်နှင့် မိမိဘဝလမ်းကြောင်းအတွက် အသုံးချနိုင်သော စွမ်းရည်များ ဖွံ့ဖြိုးလာစေရန် အခွင့်အလမ်းများ ဖန်တီးပေးခြင်း ဖြစ်ပါသည်။